Քիմ Քարդաշյանը պահանջել է շտապ լսումներ հրավիրել երեխաների խնամակալության հարցով

Քիմ Քարդաշյանը պահանջել է շտապ լսումներ հրավիրել երեխաների խնամակալության հարցով՝ իմանալով, որ Քանյե Ուեսթը պատրաստվում է տանել իր 11-ամյա դստերը՝ Նորթին, հանդիպելու Էնդրյուի և Տրիստան Թեյթի հետ:

Նա կտրուկ դադարեցրել է Նորթի այցը Ուեսթին անցյալ շաբաթ այն բանից հետո, երբ անվտանգության աշխատակիցները նրան ասել են, որ Թեյթ եղբայրները, որոնք անցյալ ամիս վերադարձել են ԱՄՆ՝ արտասահմանում սեռական բնույթի հանցագործությունների մեջ մեղադրվելուց հետո, շուտով կժամանեն Նորթի և Ուեսթի հանդիպման վայրը, հայտնում է TMZ-ը։ (Էնդրյուն և Տրիստանը քրեական հետապնդման են ենթարկվել Մեծ Բրիտանիայում և ԱՄՆ-ում սեռական ոտնձգությունների համար: Նրանք չեն դատապարտվել և պնդում են իրենց անմեղությունը):

Քարդաշյանն ու Ուեսթը հանդիպել են իրենց փաստաբանների և միջնորդի հետ մարտի 14-ին, այն բանից հետո, երբ Նորթը և Շոն «Դիդդի» Քոմբսը նկարահանվել են Ուեսթի «LONELY ROADS SILL GO TO SUNSHINE» սինգլում։

Հանդիպման ընթացքում խոսակցության թեմա է եղել նաև Ուեսթի հանդիպումը Էնդրյուի և Տրիստանի հետ։

Քոմբսը ներկայումս Բրուքլինի կալանավայրում է այն բանից հետո, երբ նրան մեղադրանք է առաջադրվել սեռական թրաֆիքինգի, ռեկետի և մարմնավաճառության նպատակով թրաֆիքինգի մեջ: