Թիվ 2-րդ դպրոցի տնօրենի գործելաոճը` պատկան գերատեսչությունների ուշադրության ներքո
- Lilit Nalbandyan
- 11 hours ago
- 1 min read
Auroranews-ն այսօր ռեպորտաժ էր հրապարակել, անդրադառնալով Խաչատուր Աբովյանի թիվ 2-րդ դպրոցի տնօրեն Նարինե Նազարյանի գործելաոճին:
Մասնավորապես, երեխայի ծնողն Auroranews-ին ահազանգել էր, որ օրեր առաջ Նազարյանը 8-րդ դասարանի աշակերտին քաշքշել, ստիպել էր պետքարանից վերցնել այսպես կոչված «պոլի փայտը» և մաքրել հատակին թափված հյութը:
Նույն դպրոցում, տեխնելոգիայի ուսուցիչ Կարինե Դավթյանն 6-րդ դասարանի աշակերտուհուն դասի ժամանակ աղմկելու համար թուրք էր անվանել:
Ռեպորտաժը հրապարակելուց հետո Auroranews-ը կապ հաստատեց Երևանի քաղաքապետարանի հանրակրթության վարչության պետ Մարգարիտա Խաչատրյանի հետ: Վերջինս նշեց, որ նյութին ծանոթանալուց հետո կիրականացվի ուսամնասիրություն:
Auroranews-ը կապ հաստատեց նաև ԿԳՄՍ-ի մամուլի խոսնակ Կարինե Մանուկյանի հետ:
Նա ևս ասաց, որ ուսումնասիրությունից հետո կներկայացվի գերատեսչության գնահատականը կատարվածի վերաբերյալ:
22:20 07.04.2025
19:16 07.04.2025