Օդի ջերմաստիճանը կշարունակի բարձրանալ
Հայաստանում օդի ջերմաստիճանը կշարունակի բարձրանալ։ Այս մասին հայտնում է Հիդրոօդերևութաբանության և մոնիտորինգի կենտրոնը։
«Օդի ջերմաստիճանը մարտի 15-17-ին աստիճանաբար կբարձրանա ևս 4-5 աստիճանով»,– ասված է հաղորդագրությունում։
Ըստ օդերևութաբանների` նշված ժամանակահատվածում տեղումներ չեն գրանցվի։
Այսօր Երևանում օդի ջերմաստիճանը ցերեկային ժամերին կտատանվի +20-ից +22-ի, իսկ գիշերը` +4-ից +6 աստիճանի սահմաններում։
