Search
Ձերբակալություն՝ կենտրոնի թաղապետարանում
- Lilit Nalbandyan
- Nov 25, 2024
- 1 min read
Նոյեմբերի 22-ին ձերբակալություն է տեղի ունեցել Կենտրոն վարչական շրջանի ղեկավարի աշխատակազմում։
Հակակոռուպցիոն կոմիտեից AURORANEWS -ի հետ զրույցում հաստատեցին տեղեկությունը՝ նշելով, որ իրենց մոտ քննվող վարույթի շրջանակում կա կալանավորված անձ, վարույթը վերաբերում է կաշառք տալ-ստանալուն։
Ձերբակալված աշխատակիցը կոմունալ տնտեսության և բազմաբնակարան շենքերի կառավարման մարմինների հետ աշխատանքների կազմակերպման բաժնից է։
«Վարույթի շրջանակում կան մեղադրյալներ, որոնցից մի քանիսի նկատմամբ որպես խափանման միջոց ընտրվել է կալանքը»,- ասացին Հակակոռուպցիոն կոմիտեից։
Նշենք, որ մոտ երկու շաբաթ առաջ Հակակոռուպցիոն կոմիտեն խուզարկություններ էր իրականացրել, որի շրջանակներում ձերբակալվել էին աշխատակազմի առևտրի և սպասարկումների բաժնի մի շարք պաշտոնյաներ։