Նեթանյահուն ԱՄՆ-ից շտապ կվերադառնա Իսրայել գնդակոծությունների պատճառով
Իսրայելի վարչապետ Բենիամին Նեթանյահուն, ով այցով գտնվում է ԱՄՆ-ում, Գոլանի բարձունքների գնդակոծությունից հետո որոշել է ժամանակից շուտ վերադառնալ Իսրայել: Այս մասին իր տելեգրամ-ալիքում հայտնել է վարչապետի գրասենյակի խորհրդական Դմիտրի Գենդելմանը՝ հղում անելով դիվանագիտությանը:
«Ողբերգության մասին լուրից անմիջապես հետո վարչապետ Նեթանյահուն կարգադրել է արագացնել վերադարձը Իսրայել», — ասված է հաղորդագրության մեջ:
Նա հավելել է, որ ռազմաքաղաքական կաբինետի նիստը տեղի կունենա վարչապետի Իսրայել ժամանելուց անմիջապես հետո:
Հուլիսի 27-ին Իսրայելի վարչապետի խորհրդական Դմիտրի Գենդելմանը հայտնել էր, որ Գոլանի բարձունքներում կան զոհեր ու վիրավորներ: Իսրայելի վարչապետի խորհրդականը տեղի ունեցածը որակել Է ՄԱԿ-ի Անվտանգության խորհրդի 1559-րդ եւ 1701-րդ բանաձեւերի խախտում եւ մեղքը բարդել Լիբանանի եւ «Հըզբոլլահի» վրա, որը, նրա կարծիքով, գործում է Իրանի ղեկավարությամբ: Ավելի ուշ ՑԱԽԱԼ-ի ներկայացուցիչ Դանիել Հագարին ճշտել է, որ Մաջդալ-Շամսին հասցված հրթիռային հարվածի հետեւանքով զոհվել են երեխաներ:
Լիբանանյան Հըզբոլլահ խմբավորումը հերքել է իր մասնակցությունը Գոլանի ավանին հասցված հարվածին, որտեղ երեխաներ են զոհվել, և հայտարարել է, որ «Իսլամական դիմադրությունը» որևէ առնչություն չունի այդ միջադեպի հետ: Սակայն խմբավորումը հայտարարել էր հրթիռային հարձակման մասին՝ ի պատասխան Իսրայելի կողմից Լիբանանի հարավում գտնվող բնակավայրերի գնդակոծության։
Իսրայելի արտաքին գործերի նախարար Իսրայել Կացը Գոլանի բարձունքներին հարվածելուց հետո հայտարարել է, որ Հեզբոլլահը հատել է բոլոր կարմիր գծերը և նախազգուշացրել Է խմբավորման և Լիբանանի հետ լայնամասշտաբ պատերազմի մոտեցման մասին:
