Երևանում Toyota Camry-ի 22-ամյա վարորդը ոչ սթափ վիճակում բախվել է Tesla-ին, այնուհետև ծառին, որն էլ տապալվել և վնասել է BMW-ն և Nissan-ը

Հունվարի 1-ին արտակարգ դեպք է տեղի ունեցել Երևանում։ Ժամը 07։30-ի սահմանում Ամիրյան 18 շենքի դիմաց Երևանի բնակիչ 22-ամյա Սամվել Գասպարյանն իր վարած Toyota Camry ավտոմեքենայով բախվել է Tesla ավտոմեքենային, այնուհետև ծառին, որն էլ տապալվել է և վնասել BMW և Nissan ավտոմեքենաները։Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան։ Դեպքի վայր են ժամանել պարեկները:Աղբյուրի տեղեկություններով՝ Toyota Camry-ի վարորդը դեպքի վայրից դիմել է փախուստի և միայն պարեկների բացատրական աշխատանքի շնորհիվ է վերադարձել դեպքի վայր և պարզվել է, որ նա գտնվում է ոչ սթափ վիճակում։