Ուզբեկստանում փոքրիկ տղային լվացքի մեքենայից դուրս են բերել փրկարարները (լուսանկարներ)
Ուզբեկստանում փրկարարները դուրս են բերել լվացքի մեքենայի մեջ արգելափակված երեխային։ Այս մասին հայտնում է երկրի արտակարգ իրավիճակների նախարարությունը։
Միջադեպը տեղի է ունեցել Ջիզակ քաղաքի Իթթիֆակ միկրոշրջանում։ Փոքրիկ տղան անզգուշորեն հայտնվել է լվացքի մեքենայի մեջ։
Անմիջապես դեպքի վայր են ժամանել Արտակարգ իրավիճակների նախարարության աշխատակիցները։ Երեխային փրկելու համար նրանց հատուկ տեխնիկա է անհրաժեշտ եղել։ Արդյունքում երեխան դուրս է բերվել և և հանձնվել ծնողներին։ Թե որտեղ են նրանք եղել դեպքի պահին, չի նշվում։
Ինչպես հայտնում է գերատեսչությունը, երեխայի հետ ամեն ինչ կարգին է։
