Հայաստանի լավագույն կաթ և թթվասեր արտադրող է ճանաչվել «Դիլի» ընկերությունը
«Դիլի» կաթնամթերքի ընկերության կաթը և թթվասերը ճանաչվել են լավագույնը Հայաստանի շուկայում։ Հետազոտությունն անցկացվել և արդյունքը հաստատվել է «Որակի նշան» ընկերության կողմից, որը կազմակերպել է լաբորատոր փորձաքննություններ և կույր համտես սպառողների և որակի մասնագետների շրջանում։
«Դիլի»-ն ևս մեկ անգամ ապացուցել է իր որակյալ լինելը, քանի որ բարձրակարգ կաթնամթերքի արտադրության հիմքում ընկած է իր՝ լավագույնը ճանաչված կաթը, որն ընկերությունը համարում է իր հաջողության գրավականներից մեկը։
«Հիմնադրման պահից ի վեր ընկերության գլխավոր նպատակն է եղել հայ ազգաբնակչությանը մատակարարել անարատ, որակյալ և առողջ կաթնամթերք և լինել լավագույնը շուկայում,–փաստում է ընկերության վաճառքի տնօրեն Արթուր Հակոբյանը և հավելում,– մեր հաջողության գրավականն է մեր բարձրակարգ կաթը և թիմի անկոտրում նվիրվածությունը կազմակերպության սկզբունքներին, որն է՝ սպառողին մատակարարել բնական, որակյալ և առանց հավելումների կաթնամթերք»։
«Դիլի»-ի արտադրատեսակները պատրաստվում են իտալական տեխնոլոգիաներով, իսկ արտադրության գործընթացը վերահսկվում է հայ և իտալացի հմուտ տեխնոլոգների կողմից:
Ընկերությունը կարևորում է իր կարգախոսը՝ «Դիլի՝ առողջ կյանքի բանալի»՝ շեշտելով սպառողների առողջության առաջնահերթությունը։
Ընկերությունն առաջարկում է բազմաթիվ արտադրատեսակներ, ներառյալ՝ կաթ, թթվասեր, մածուն, լոռի, բուրրատա, ռիկոտտա, մոցարելլա, չեչիլ պանիրներ, հալած յուղ և այլ մթերքներ:
Դիլիի կաթնամթերքը 100% անարատ կաթից է, բացակայում են հավելումներն ու ներկանյութերը, ամբողջ տեսականին առանց գլյուտեն է:
1997 թվականին հիմնադրված «Դիլի»-ն դարձավ առաջին կաթնամթերքի գործարանը Հայաստանում, որն օգտագործում էր միայն սեփական կովերի կաթը: Կաթնամթերքի գործարանն ու անասնաբուծական ֆերման գտնվում են Դիլիջանի գեղատեսիլ բնության գրկում, որից էլ առաջացել է ընկերության անվանումը:
«Դիլի»-ն շարունակում է հավատարիմ մնալ իր սկզբունքներին՝ ներկայացնելով միայն առողջարար և լավագույն կաթնամթերքը շուկայում:
