Քանյե Ուեսթը կոչ է արել կանանց հրաժարվել հագուստից, «թիրախավորել է» Թեյլոր Սվիֆթին, Մադոննային եւ Քիմ Քարդաշյանին

Քանյե Ուեսթը հերթական «հիստերիկ» տիրադն է սկսել X-ում: Թեյլոր Սվիֆթը, Մադոննան և նրա նախկին կինը՝ Քիմ Քարդաշյանը, հայտնվել են նրա թիրախում:

Մասնավորապես, Քանյեն տարօրինակ ու զզվելի մեկնաբանություններ է արել Քիմի հասցեին։ «Քիմ Քարդաշյանն իմ դայակն է։ Ռեյ Ջեյին ասացի, որ մենք պետք է Քիմին երկու կողմից էլ «սեղմենք»»,-գրել է նա՝ նկատի ունենալով 2008 թվականին Քիմի տխրահռչակ սեքս-տեսագրությունը իր նախկին ընկերոջ՝ Ռեյ Ջեյի հետ։

Քանյեն իր չորս ժամ տեւած տիրադում կիսվել է ստոր գրառումներով Թեյլոր Սվիֆթի հետ սեքսով զբաղվելու ցանկության մասին և պնդել, որ համբուրվել է Մադոննայի հետ:

«Երբ ես համբուրում էի Մադոննային, նա պարծենում էր, որ բասկիան է, և ես մտածեցի. «Անիծյալ, նա սիրում է պարծենալ, ինչպես ես»,-գրել է նա։

Նա նաև անդրադարձել է նախկին օգնական Լորեն Պիշչիոտայի կողմից իր դեմ ուղղված սեռական ոտնձգությունների մեղադրանքներին:

«Ես կոտրել եմ կուսությունս»,- գրել է նա՝ հավելելով. «Երբեմն մտածում եմ, վայ, ինձ բռնաբարության մեղադրանք է առաջադրվել, կյանքը այնքան ծիծաղելի բան է»։

Այլ գրառումներում Քանյեն նույնպես հերքել է այն պնդումները, որ բաժանվել է կնոջից՝ Բիանկայից:

Քանյեն անդրադարձել է Բիանկայի վիճահարույց կերպարին, որով նա ներկայացել էր «Գրեմմի»-ին և կոչ է արել մյուս կանանց ևս հագուստ չհագնել:

«Ես ատում եմ, երբ կանայք հագուստ են կրում»,- գրել է նա՝ ավելացնելով. «Նորաձևության խորհուրդ բոլոր «վատ աղջիկներին». մի հագեք հագուստ»: «Ինչու՞ հագուստ կրել, թողեք դա, կհագնեք, երբ ծերանաք: Ընթրիքին հագեք լողազգեստ, նկատի ունեմ լողազգեստ և կրունկներ»:

«Դուք բոլորդ ասում եք, որ ես ատում եմ կանանց: Իմ խորհուրդը գալիս է սիրուց:

Ինչու՞ են բոլորն ուզում ինձ հիվանդանոց ուղարկել։ Դա պարզապես թվիթ է, այ ապուշներ։ Միայն մտածեք դրա մասին»,- գրել է նա։

«Ես ուզում եմ դատարանում հայտնվել իմ թվիթերի համար, որպեսզի կարողանամ Ռոքիի պես թարմ լինել»,-ասել է նա՝ նկատի ունենալով A$AP Rocky-ի վերջին դատական ​​գործը, որում նա անմեղ է ճանաչվել և արդարացվել է երկու հանցանքի մեղադրանքներից: