Սպիտակ տունը հայտնել է Պենտագոնի ղեկավարի առողջական վիճակի մասին

ԱՄՆ պաշտպանության նախարար Լլոյդ Օսթինը դեռ բժշկական օգնության կարիք ունի, և հիվանդանոցից դուրս գրվելու ամսաթիվը, որտեղ նա բուժում է անցնում շագանակագեղձի վիրահատության բարդություններից հետո, դեռ հայտնի չէ, կիրակի ասաց Սպիտակ տան ռազմավարական հաղորդակցության համակարգող  Ջոն Քիրբին:

Փոխանցում է ՌԻԱ Նովոստին։

«Տեսնենք, թե երբ կկարողանան նրան դուրս գրել, բայց, ակնհայտ է, բժիշկները դեռ կարծում են, որ նա կարող է լրացուցիչ օգնության կարիք ունենալ»,-հայտնել է նա CBS News հեռուստաալիքի եթերում:

Մասնավորապես, Քիրբին հավելել է, որ Պենտագոնի ղեկավարը ֆիզիոթերապիայի կարիք ունի։